Kumbulla: Sfidë e vështirë, do përmirësohemi nga ana taktike!

Marash Kumbulla pas ndeshjes miqësore ndaj Uellsit u shpreh se Shqipëria luajti mirë në aspektin mbrojtës, por duhet të përmirësohet taktikisht për të qenë më efikase në sulm.

“Ishte një ndeshje e vështirë, besoj se luajtëm mirë në aspektin mbrojtës, jo vetëm ne, lojtarët mbrojtës, por dhe sulmuesit. Kishim ndonjë shans, gabuam, por nuk ka rëndësi, sepse jemi mirë.

Besoj se do të përmirësohemi në anën taktike, e kemi provuar në stërvitje por nga ndeshja në ndeshje do të përmirësohemi”, tha mbrojtësi i talentuar.