Laçi bën “paqe” me Vllazninë, Teuta mund Apoloninë dhe blindon kreun (VIDEO)

Laçi dhe Vllaznia nuk kanë shkuar më shumë se një barazim pa gola në super sfidën e javës së 27-të. Në Laç u luajt një duel i ndezur mes të dyja skuadrave, por që do të prodhonte shumë pak mundësi shënimi. Kuqeblutë ishin më mirë në fraksionin e parë, ndërkohë që në të dytën bardheznjtë ju afruan më shumë golit me një veprim shumë të bukur të Mazrekajt.

Nga ky barazim përfiton Teuta që vijon të qëndrojë në krye të renditjes, por tashmë e vetme me 49 pikë. Durrsakët fituan pastër 2-0 në transfertën ndaj Apolonisë. Lorenc Vila zhbllokoi sfidën në minutën e 19-të. Në fillimin e pjesës së dytë, Dejvi Bregu dyfishoi rezultatin me një goditje shumë të bukur me të djathtën.