Lazio kërkon penallti pas një faulli të Hysaj, por arbitri jep 11-metërsh për Napolin (VIDEO)

Një episod i pabesueshëm ka ndodhur në sfidën që po luhet mes Napolit dhe Lazios. Në minutën e 5-të, pas një goditje nga këndi, Lazio niset me një kundërsulm të shpejt falë një ndërhyrje të Milinkovic-Savic. Gjatë aksionit Hysaj pengon Lazzarin në zonë, duke pretenduar për një penallti.

Gjyqtari shkon për të parë aksionin që nga fillimi, teksa në të evidenton një faull të Milinkovic-Savic, pas një ndërhyrje me takë në zonë. Ai dha penallti për Napolin dhe jo për Lazion. Nga pika e bardhë do të shënonte Insigne.