Lukaku s’është i pashitshëm, ja vlera për të cilën është gati ta largojë Interi

Romelo Lukaku është një ndër futbollistët e pashitshëm, por përballë ofertave të forta mbase Interi mund të në mendohet. Manchester City dhe Barcelona janë të interesuar dhe kanë provuar indirekt terrenin, me klubin e familjes Zhang që vlerëson kartonin e tij jo më pak se 120 milion euro.

Deri më sot, qëndrueshmëria e belgut, me ose pa Conte, nuk është absolutisht në diskutim, por përballë një propozimi të tillë, Interi mund të rimendohet. 120 milionë euro është thuajse sa dyfishi i shumës së investuar prej 75 milionë euro, kur pagoi klubi zikaltër në arkat e Manchester United.