Man.City 285 milionë euro për merkato, Guardiola pranë sulmuesit të madh

Pas një sezoni të dështuar, Manchester City kërkon që gjatë merkatos së verës të kryejë 5 transferta të bujshme për të prekur suksesin.

Lista e transferimeve të hartuar nga Pep Guardiola kryesohet nga sulmuesi i Arsenalit, Alexis Sanchez i cili kërkon të largohet nga “topçinjtë”, shkruan tabloidi britanik “The SUN”.

Trajneri Arsene Wenger është i vendosur për ta shitur kilianin që pritet të bashkohet me shefin e vjetër Guardiola me të cilin ka punuar te Barcelona.

Sheikët kanë vendosur në dispozicion plot 250 milionë sterlina ose e thënë ndryshe 285 milionë euro të transferuar në “Etihad stadium” 5 lojtarë cilësorë.

Për Sanchez janë vendosur në dispozicion 50 milionë sterlina (57 milionë euro).

Kujtojmë që për të nënshkruar me Sanchez nuk do të jetë e lehtë pasi Manchester City do të përballet në një “luftë” të ashpër me Bajernin e Mynihut që preferon së tepërmi sulmuesin kilian.

/ SYRI.net /