Real Madridi ka arritur të marrë një fitore dramatike në transfertë ndaj AEK-ut, duke triumfuar me rezultatin 2-3 në një ndeshje të mbushur me emocione, gola dhe përmbysje.
Skuadra greke befasoi madrilenët që në minutën e 12-të. Pas një kundërsulmi të shpejtë dhe asistimit të Luka Jovic, Aboubakary Koita depërtoi në zonën kundërshtare dhe me një goditje të saktë mposhti portierin, duke kaluar AEK-un në avantazh.
Reali reagoi dhe në minutën e 28-të arriti të dërgonte topin në rrjetë me Jude Bellingham, por goli u anulua për pozicion jashtë loje. Megjithatë, anglezi nuk u dorëzua dhe vetëm katër minuta më vonë riktheu baraspeshën me një realizim spektakolar, pas asistimit të Marc Cucurellas. Pjesa e parë u mbyll me rezultatin 1-1.
Pjesa e dytë rezervoi të tjera emocione. Në minutën e 75-të, ishte shqiptari Stavro Pilo ai që tronditi madrilenët, duke shënuar golin e dytë për AEK-un. Mbrojtësi kuqezi përfitoi nga një kundërsulm i shpejtë dhe asistimi i Koitës, për të mposhtur Courtois me një goditje të saktë me të majtën.
Për Pilon ky ishte realizimi i dytë në Champions League, pas golit të shënuar edhe në përballjen ndaj Manchester Cityt, që përfundoi me humbjen 5-1 të skuadrës greke. Por epërsia e vendasve zgjati vetëm tre minuta. Në të 78-tën, Kylian Mbappe riktheu baraspeshën për Real Madridin, duke e çuar rezultatin në 2-2.
Kur gjithçka po shkonte drejt barazimit, Federico Valverde doli në skenë në minutat shtesë. Mesfushori uruguaian realizoi një gol të jashtëzakonshëm nga distanca, duke vulosur fitoren 2-3 për gjigantët spanjollë.
This was when Stavro Pilo of AEK Athens stunned Real Madrid ! #AEKRMA https://t.co/JRolIA6MRW
— The Final Whistle (@Rufus_45) November 4, 2026