Mbyll karrierën? Vjen reagimi zyrtar për Ibrahimovic

Zyrtarisht Zlatan Ibrahimovic nuk do të mbyllë karrierën por po vijon terapinë për tu rikthyer sa më shpejt. Lajmi është konfirmuar nga agjenti Mino Raiola i cili ka njoftuar se klienti i tij tashmë e ka kryer me suksese operacionin, shkruan tabloidi britanik “The SUN”.

Lojtari i Manchester Unitedit pritet të kthehet gjatë muajit shtator apo tetor, por sipas lajmeve të reja ai mund ta shpejtoj procedurën e rikthimit.

Një javë më parë sulmuesi suedez pësoi një lëndim të rëndë në ndeshjen e Europa Ligës kundër Anderlecht.

Kujtojmë që kohët e fundit në media është përfolur shumë se me këtë dëmtim të rëndë sulmuesi 35-vjeçar do të mbyllte përfundimisht karrierën e tij si futbollist.