Mediat angleze zbulojnë datën kur do të rifillojë Premier League

Premier League rifillon të mërkurën e 17 qershorit. Kështu shkruan tabolidi “The Sun” duke shtuar se dy ndeshjet e para do të jenë Aston Villa-Sheffield United dhe Manchester City-Arsenal.

Dy ndeshjet janë të prapambetura, çka do të bëjë, shkruan “Telegraph”, që të gjitha skuadrat të kenë luajtur 29 takime në total. Një tjetër ndeshje e kampionatit mund të luhet të premten e 19 qershorit, dhe gjatë fundjavës do të përmbyllet një raund i plotë.

Kalendari mësohet se i është paraqitur klubeve gjatë një takimi që po mbahet këtë të enjte. Futbolli në Britani u ndalua në mars, për shkak të koronavirusit, dhe vetëm javën e kaluar lojtarët rinisën stërvitjen në numër të kufizuar.