Messi uron Tottin me fjalë të mëdha pas tërheqjes nga futbolli

Ylli argjentinas i Barcelonës, Lionel Messi ka uruar ish kapitenin legjendar të Romës, Francesco Tottin pas tërheqjes nga futbolli i luajtur.

Në urimin e tij Messi e ka cilësuar Tottin një njeri të jashtëzakonshëm si dhe I ka uruar gjithë të mirat në jetë nëpërmjet një postimi në Facebook.

“Kapiten, ju jeni i jashtëzakonshëm. Ju uroj të mira në sfidën tjetër të jetës suaj Francesco Totti”, shkruan Messi në urimin e tij

Francesco Totti i dha fund karrierës me Romën në ndeshjen e fundit të “Serisë A”, kundër Genoas në fundjavë.

Kapiteni 40 vjeçar i dha fund pas 24 vitesh me Romën ku ka shënuar 307 gola në 783 ndeshje të luajtura, që kur bëri debutimin në mars të vitit 1993, në moshën 16-vjeçare.