Migen Memelli largohet nga Laçi

Memelli largohet nga Laçi. Përveç afrimeve, skuadra kurbinase ka vendosur të largojë disa lojtarë gjatë merkatos së dimrit. Pas portierit Ervin Llani, dy mesfushorëve Bilibashi e Sefa, futbollisti i rradhës që nuk do të jetë më pjesë e Laçit është sulmuesi Migen Memelli. Në një postim në Facebook, Memelli shkruan: – “Bashkë me drejtuesit e Laçit kemi rënë dakord për zgjidhjen e kontratës nga të dyja palët. Dua të falënderoj stafin, ekipin dhe gjithë tifozët e Laçit, duke u uruar suksese të mëtejshme.” Ekipi i drejtuar nga Armando Cungu priste shumë nga sulmuesi pogradecar por ai arriti të shënonte vetëm një gol në 11 takime.