Milan konfirmon blerjen e tretë

Drejtuesit e Milanit gjenden në Gjermani, ku kanë mbyllur marrëveshjen me Wolfsburgun për mbrojtësin e majtë, Ricardo Rodriguez.

Sipas “Sky”, Wolfsburg ka pranuar ofertën e Milanit, e cila është 15 milionë euro, plus bonuset.

Rodriguez nesër në mëngjes pritet të arrijë në Milano, ku fillimisht do të kryejë testet mjekësore dhe më pas do të nënshkruajë kontratë 4-vjeçare.

Zvicerani kështu bëhet transferimi i tretë gjatë kësaj vere, pas Mateo Musacchis dhe Franck Kessie.

Po ashtu Milan është në garë edhe për tre sulmues të njohur, Pierre-Emerick Aubameyang, Belotti dhe Alvaro Morata.