Milani e ka seriozisht për Asension, bën gati ofertën për në verë

Marco Asensio është një nga dëshirat e mëdha të Milanit në merkato. Futbollisti spanjoll do të largohet nga Reali në fundin e këtij sezoni, nëse nuk gjendet gjuha e përbashkët për rinovim. Asensio nuk ka marrë asnjë vendim përfundimtar. Ai do të vendosë vetëm në fund të sezonit, kur roli i tij te Real Madrid të bëhet më i qartë, pas një tjetër përballjeje me presidentin Perez.

Kontrata e tij skadon në qershor 2023. Real Madrid ka paraqitur tashmë ofertën e rinovimit në të njëjtat shifra si kontrata ekzistuese prej rreth 5 milionë, me heqje dorë nga bonuset. Propozimi i rinovimit u paraqit për të shmangur humbjen e lojtarit nga janari 2023 pa asnjë kosto.

Reali kërkon një përgjigje deri në fund të sezonit, sepse nëse vjen një kërkesë nga jashtë do të merret në konsideratë. Real e vlerëson Asension 25 deri në 30 milionë euro. Një shifër që Maldini është në gjendje ta negociojë nëse ndodh një ngërç mes Asensios dhe Real Madrid në muajt e ardhshëm. Kuqezinjtë mund të jenë skuadra e duhur për të rifituar formën më të mirë dhe kombëtaren spanjoll.