Milani në ankth për Pulisic, u dëmtua me Kombëtaren ndaj Australisë

Probleme për Milanin pas ndeshjes miqësore mes Shteteve të Bashkuara dhe Australisë. Sulmuesi amerikan, Christian Pulisic, është detyruar të lërë fushën rreth minutës së 30-të të pjesës së parë për shkak të një problemi muskulor.

Trajneri i kombëtares amerikane, Mauricio Pochettino, konfirmoi pas ndeshjes lajmin e keq: “Mendoj se ndjeu diçka te bicepsi femoral. Sonte do ta vlerësojmë dhe nesër ai do të udhëtojë për në Itali. Aktualisht nuk mund të themi asgjë me siguri.”

Gjendja e Pulisic do të monitorohet gjatë orëve në vijim, por praninë e tij në përballjen e fundjavës kundër Fiorentinës duket të jetë e pamundur.

Një mungesë e mundshme që do të ishte e rëndë për trajnerin Massimiliano Allegri, i cili tashmë duhet të bëjë pa Alexis Saelemaekers, i dëmtuar gjatë grumbullimit me Belgjikën, si dhe me problemet fizike që po kalon