Prapaskena/ Olise ishte pranë Milanit në vitin 2021, ja pse dështoi

A ishte Michael Olise shumë pranë Milani? Sot mund të duket si fantazi, por pak më shumë se pesë vite më parë, kjo pistë ishte reale dhe konkrete.

Në vitin 2021, kur drejtimin teknik të kuqezinjve e kishte Paolo Maldini, talenti i ri i Reading ishte në radarët e klubit italian. Në atë kohë vetëm 19 vjeç, Olise shihej si një investim për të ardhmen, madje me idenë për ta huazuar fillimisht në Serie B për të fituar përvojë, përpara se të promovohej në ekipin e parë.

Operacioni mund të mbyllej për rreth 9 milionë euro, por në fund ishte Crystal Palace që e siguroi shërbimin e tij, duke i dhënë mundësinë të shpërthente në Premier League.

Sot, historia ka marrë një tjetër drejtim. Pas paraqitjeve mbresëlënëse, Olise është transferuar te Bayern Munich për rreth 53 milionë euro, ndërsa vlera e tij në treg, sipas Transfermarkt, ka arritur në rreth 140 milionë euro.

Sezoni aktual vetëm sa e konfirmon rritjen e tij të jashtëzakonshme: me 11 gola dhe 20 asistime në Bundesliga, Olise po dëshmohet si një nga talentet më të spikatur të brezit të tij.