Jamal Musiala ka bërë një tjetër hap të rëndësishëm në procesin e rikuperimit nga dëmtimi muskulor që e detyroi të largohej nga grumbullimi i kombëtares gjermane në muajin shtator.
23-vjeçari pësoi një shqetësim të lehtë muskulor në prag të ndeshjes së Gjermanisë ndaj Holandës, e cila përfundoi në barazim 1-1 në Amsterdam. Tashmë, sipas një njoftimi zyrtar të Bayern Munich, Musiala është rikthyer në fushën stërvitore, ku ka nisur punën individuale.
Talenti gjerman zhvilloi një seancë të veçantë me përgatitësin atletik Simon Martinello, përpara stërvitjes së ekipit. Programi i tij përfshinte ushtrime të fokusuara te ndryshimet e drejtimit, ndërsa një element i rëndësishëm ishte edhe rikthimi i kontaktit me topin.
Ky është një sinjal pozitiv për Bayern-in, edhe pse klubi ende nuk ka përcaktuar një datë të saktë për rikthimin e Musialës në stërvitje të plotë me pjesën tjetër të skuadrës.
Pavarësisht progresit të bërë, Musiala nuk do të jetë i gatshëm për ndeshjen e ardhshme të Bundesligës kundër Augsburgut. Gjithashtu, ai pritet të mungojë edhe në sfidën e radhës në Champions League ndaj Vikingut.
