NBA- Steve Kerr: Më intereson titulli me Golden State e jo play-off perfekt

Trajneri i Golden State, Steve Kerr dhe ylli i tij, Stephen Curry, jane shprehur se jane te perqendruar per fitimin e titullit te NBA-se dhe jo ne mundesine e rekordit historik ne realizimin e nje play-off perfekt me 16 fitore dhe asnje humbje.

“Shpresoj qe ta cojme bilancin tone ne 15-0 te merkuren ne mbremje dhe ta perfundojme play-off me nje bilanc 16-0”, theksoi Kerr ne nje konference shtypi ne prag te ndeshjes N.3 ne finalen e 2017 ne Cleveland.

“Per mua eshte nje mundesi, do te jete nje mrekulli, por do te jete e veshtire”, u shpreh ai.

Warriors kryesojne 2-0 perballe Cavaliers, kampione ne fuqi dhe ende nuk kane njohur humbje qe nga nisja e play-off 2017.

Ekipi ka 14 fitore radhazi, nje rekord i ri ne NBA, duke diminuar respektivisht Portland (4-0), Utah (4-0), San Antonio (4-0) dhe me  Cleveland kane fituar dy ndeshjet e para te finales (113-91, 132-113).