Ndeshja Barcelona-Las Palmas luhet pa tifozë

Klubi i futbolli Barcelona ka njoftuar përmes një komunikate zyrtare se ndeshja mes Barcelonës dhe Las Palmas në kuadër të xhiros së shtatë të La Ligës do të luhet pas dyerve të mbyllura, transmeton Express.

Barcelona i ka dënuar ngjarjet të cilat kanë ndodhur në shumë pjesë të Katalonisë sot, për siç thotë, “parandalimin e qytetarëve nga ushtrimi i të drejtës së tyre demokratike për liri të shprehjes”.

“Duke marrë parasysh natyrën e jashtëzakonshme të ngjarjeve, Bordi i Drejtorëve ka vendosur se ndeshja e ekipit të parë të Barcelonës kundër Las Palmas do të luhet prapa dyerve të mbyllura pas refuzimit të Ligës së Futbollit Profesionist për shtyrjen e ndeshjes”, ka thënë skuadra katalane përmes komunikatës zyrtare.