Në Meksikë shënohet një gol i rrallë nga 80 metra distancë (VIDEO)

Një gol fantastik është shënuar së fundmi në kampionatin meksikan, në duelin mes Pachuca- Puebla 1-3. Ishte minuta e 6-të shtesë dhe miqtë kryesonin 1-2, teksa futbollistët vendës po bënin përpjekjet e fundit për të barazuar.

Pas ekzekutimit të një këndoreje, Salvador Reyes i Pueblas, pasi sheh që portieri kundërshtar kishte braktisur portën, për t’i dhënë ndihmë sulmit, godet nga një distancë rreth 80 metra.

Edhe pse topi ishte në një lartësi të vogël, sërish shpejtësia ishte e mjaftueshëm për të përfunduar në rrjetë dhe për t’i vënë “kapakun” kësaj sfide.