Neuer flet për largimin e Flick: Histori emocionuese, kemi raport të shkëlqyer!

Hansi Flick do të largohet nga Bayern Munchen në fund të sezonit. Strategu gjerman zyrtarizoi lajmin ditën e djeshme, teksa pritet të marrë drejtimin e Gjermanisë pas Euro 2020.

Rreth këtij lajmi kanë reaguar Manuel Neuer dhe Thomas Muller. Kapiteni dhe sulmuesi i skuadrës bavareze vlerësojnë shumë trajnerin Flick, me të cilin pushtuan botën vitin e kaluar.

“Ishte një histori emocionuese për të gjithë ne, u përballëm si ekip ndaj çdo vështirësie, kemi kaluar edhe shumë momente të lumtura së bashku. Mendoj se ishte e rëndësishme që foli me ne përpara se të bënte publik lajmin e largimit.

Ishte e rëndësishme të dihej se çfarë kishte për të thënë para se të shpallte publikisht vendimin e tij, sidomos pas një ndeshje si ajo që fituam në Ëolfsburg. Kjo është një shenjë që kemi një raport të shkëlqyer me të.

Ai nuk na i shpjegoi arsyet e këtij vendimi, por të gjithë e dimë çfarë energjie na ka dhuruar në këtë një vit e gjysmë. Le të themi që ka qenë një periudhë shumë intensive. Flick na tha se do të largohej, por nuk kishte pse të na shpjegonte arsyen pse kishte vendosur kështu”, deklaroi Neuer.