Nuk mori asnjë trofe në 5 vite me Tottenham, mori të parin vetëm në 11 ditë me PSG

Mauricio Pochettino mbrëmë fitoi trofeun e parë në karrierën e tij si trajner, pasi PSG mposhti 2-1 Marseille me gola të Icardit dhe Neymar. Pas këtij triumfi në mediet sociale është shpërndarë shpejt një statistikë e veçantë e argjentinasit.

Pochettino qëndroi pesë vite si trajner i Tottenham dhe arriti të bëjë shumë mirë, por nuk mundi të fitojë asnjë trofe në aventurën e tij në Londër. Atë që nuk e bëri në 5 vite te Tottenham, Pochettino e arriti te PSG për 11 ditë.

Te kampionët e Francës do të ketë mundësi të fitojë trofe të tjerë gjatë këtij sezoni pasi PSG është në garë në të gjitha kompeticionet ku merr pjesë.