Paris SG paguan paratë, Neymar është i lirë të luajë me skuadrën e re

Neymar është zyrtarisht lojtar i Paris SG dhe mund të luajë me skuadrën e tij të re. Për të luajtur, braziliani ishte në pritje të transferimit të kartonit nga Barcelona, e cila, nga ana e saj, priste pagesën e plotë të 220 milionë eurove që ishte shifra e blerjes nga klubi parizien.

Federata Franceze e Futbollit ka bërë të ditur përmes një postimi në Twitter depozitimin e kartonit nga ana e Federatës Spanjolle, pas pagesës së kryer nga Paris SG.

Tani Neymar mund të zbresë në fushë që këtë javë, në transfertën kundër Guingamp, pasi humbi ndeshjen e parë të kampionatit, kundër Amiens.