Partizani shkatërron Bylisin dhe ngjitet në vendin e tretë (VIDEO)

Partizani rikthehet në rrugën e fitoreve në kampionat, duke mundur me lehtësi 3-0 Bylisin, për t’u ngjitur në vendin e tretë në renditje, me pikë të barabarta me Vlllazninë, 47.

Ndeshja nisi në mënyrën më të mirë të mundshme për Të Kuqtë, që do të gjenin rrugën e rrjetës që pas 16 sekondash. Pas një gabimi të portierit Qirko, Stenior Junior përfiton më së miri.

Partizani do të dyfishonte shifrat në minutën e 69-të, me Çinarin që dha një asist për Asanin, i cili me të majtën nuk fal brenda zonës. 6 minuta nga fundi do të ishte vet Çinari, i cili i ndihmuar edhe nga devijim, gjeti golin personal.