Po shkëlqen në Turqi, Gentjan Selmani nuk shitet pa 1 mln euro

Gentian Selmani është vlerësuar si një prej lojtarëve më të mirë të kampionatit, duke nxitur edhe interes në merkato. Presidenti i Bolusporit njoftoi se portieri i Kombëtares shqiptare mbetet pjesë e rëndësishme e projektit për të ardhmen, teksa nuk do të heqë lehtë dorë nga shërbimet e tij.

“Në zyrat e klubit ka ardhur një ofertë prej 450 mijë euro për Selmanin, por e refuzuam. Për ta shitur një portier si Gentiani kërkojmë një milionë euro. Boluspor do të presë një ofertë të kënaqshme, edhe sepse portieri ka ende 2 vjet e gjysmë kontratë”, tha drejtuesi i klubit.