Prapaskena/ Shikoni si Pavlovic shkatërroi pikën e penalltisë dhe shpëtoi Milanin nga humbja (VIDEO)

Skena të pazakonta në minutën e 99-të të ndeshjes, ku në sekondat e fundit ndodhi gjithçka. Arbitri Mariani akordoi një penallti për Genoan pas një ndërhyrjeje të Bartesaghi ndaj Ellertsson, duke ngrirë stadiumin. Milani sapo kishte gjetur golin e barazimit me Leão dhe lojtarët kuqezi mbetën me duart në kokë.

Mes protestave dhe diskutimeve të gjata, vëmendjen e mori Strahinja Pavlovic. Mbrojtësi serb mori iniciativën dhe, pa u vënë re fillimisht, shkoi te pika e bardhë aty ku më pas e godiste pa pushim pikën e bardhë duke e dëmtuar ndjeshëm.

Një veprim i hapur dhe provokues, aq sa Pavlovic u ndëshkua me karton të verdhë për sjellje jo sportive. Ndërkohë, Stanciu, i cili kishte topin në dorë, e pa të gjithë skenën pa reaguar. Kur erdhi momenti i gjuajtjes, ai vendosi topin mbi pikën e bardhë të dëmtuar dhe e dërgoi penalltinë shumë lart, në tribunë. Një “mision” i realizuar për Milanin, në një fund ndeshjeje që do të mbahet mend gjatë.