Premier League/ Manchester United fundoset ndaj Brentford, Tottenham ngec me West Hamin

Manchester United vazhdon sezonin zhgënjyes në Premier League, duke pësuar një tjetër humbje të rëndë, këtë herë me rezultatin 4-3 ndaj Brentford. “Djajtë e kuq” kaluan fillimisht në avantazh me një gol të Mason Mount, por nuk arritën ta ruajnë epërsinë.

Një autogol i Luke Shaw dhe goli i Schade përmbysën gjithçka për vendasit, ndërsa në pjesën e dytë Brentford shtoi epërsinë me golat e dytë të Schade dhe Wissa. Edhe pse Garnacho dhe Diallo rikthyen shpresat me dy gola për United, nuk mjaftuan për të ndryshuar fatin e ndeshjes.

Pas këtij takimi, Manchester United zbret në vendin e 15-të me 39 pikë, shumë larg objektivave dhe presionit në rritje mbi trajnerin Erik ten Hag. Ndërkohë, sfida tjetër e javës mes West Ham dhe Tottenham përfundoi 1-1, në një përballje të luftuar ku të dyja skuadrat ndanë nga një pikë. /Koha Jonë/