Presidenti i La Ligas: Real, Barça dhe Juve do të përjashtohen nga Championsi!

“Barcelona, Juventus, Real Madrid mendoj se mund të mbeten jashtë Champions League”. Ky është mendimi i Javier Tebas, president i La Ligas, i cili ka dhënë një koment për betejën mes UEFA-s dhe tri klubeve që këmbëngulin për Superligën.

Në një intervistë për Gol TV, numri një i futbollit spanjoll ka dhënë mendimin e tij për sanksionet e mundshme që mund të vijnë për Barcelonën, Juven dhe Realin nga hetimi që ka nisur ndaj tyre.

“Më shumë se një dënim, UEFA mund të mos përfshijë Real Madridin dhe Barcelonën në Champions League”, ishte mendimi i Tebas. /R.Lika-Koha Jone/