Presidenti i Napolit: Vini bast, ja kush e fiton titullin kampion

Presidenti i Napolit, Aurelio De Laurentis, ka sfiduar hapur Juventusin, duke thënë se skuadra e tij do të jetë kampione e Italisë. De Laurentiis është aq i sigurt, saqë thotë se mund të vini bast për suksesin e skuadrës së drejtuar nga Sarri.

“Titulli do të jetë i yni. Jemi skuadra për t’u mundur. Pranohen bastet”, thotë presidenti për agjensinë ANSA.

Ai premton se asnjë lojtar nuk do të largohet nëse Napoli kualifikohet në fazën e grupeve në Champions League, duke eliminuar Nicën e Francës në play off.

Po ashtu, ai dëshiron sulmuesin e Fiorentinës, Federico Chiesa, por klubi viola kërkon 40 milionë euro.