Shqipëria gati për sfidën ndaj italianëve

Skuadra mbërriti dje në Milano pas një qëndrimi rraskapitës prej 9 orësh në aeroportin e Rennes, ndërsa kreu edhe një seance stërvitore pa ngarkesa të mëdha.

Tekniku italian akoma nuk e ke vendosur se çfarë emrash do të hedhë në fushën e lojës nesër në ‘Luigi Ferraris’, por të gjitha gjasat janë që mos të ketë ndryshime në 11-en titullare. Mungesa e Taulant Xhakës bëri që Memushaj të aktivizohej nga minuta e parë në Francë duke dhuruar edhe një performancë mjaft të mirë, dhe me shumë mundësi do të jetë sërish vlonjati që do të luaj në pozicionin e Xhakës, duke qënë se ky i fundit vazhdon të mos jetë i disponueshëm, ndërsa së bashku me të në mesfushë do të luajnë të përhershmit Kukeli dhe Abrashi. Balotazh mund të ketë në lidhje me lojtarin i cili do të mbulojë krahun e djathtë të mesfushës ku Lila për momentin duket më i favorizuar se Roshi. Përsa i përket repartit të avancuar tekniku 58 vjeçar mund ti besoj sërish Cikalleshit, ndërkohë që skema taktike është e superkonfirmuar , pra 4-5-1.

Duket se skuadra jonë përfaqësuese e ka gjetur fizionominë e saj dhe do të tentoj që edhe kundër një emri të madh të futbollit botëror mos të tregohet aspak inferiore në fushën e lojës ashtu si bëri të premten në mbrëmje ndaj Francës.