Shtëpia e Bardhë konfirmon pjesëmarrjen e Iranit në Kupën e Botës 2026

Pavarësisht tensioneve të forta politike dhe ushtarake mes Amerikës dhe Iranit, është konfirmuar se kombëtarja iraniane do të marrë pjesë normalisht në Kupën e Botës 2026, i cili do të zhvillohet në territorin amerikan.

Sipas deklaratave zyrtare nga Shtëpia e Bardhë, përfaqësuesja e Iranit do të zbresë në fushë për ndeshjen e saj të parë më 16 qershor në Los Angeles. Andreë Giuliani, drejtues i task-forcës qeveritare për organizimin e turneut, konfirmoi se ftesa zyrtare për pjesëmarrje është bërë nga presidenti Donald Trump.

Megjithatë, qëndrimi i kreut të Shtëpisë së Bardhë mbetet i dyzuar. Ai ka paralajmëruar sportistët iranianë që të marrin në konsideratë mundësinë e tërheqjes nga turneu për arsye sigurie, duke përmendur “rrezikun për sigurinë dhe jetën e tyre”.

Nga ana tjetër, FIFA ka refuzuar kërkesat për zhvendosjen e ndeshjeve në Meksikë, një nga vendet bashkë-organizatore. Si rrjedhojë, organizatorët kanë vijuar me planin fillestar.

Kombëtarja iraniane pritet të zhvillojë fazën përgatitore në Tucson, ndërsa është konfirmuar edhe një ndeshje miqësore ndaj Porto Rikos. Ndërkohë, kalendari i ndeshjeve mbetet i pandryshuar, me sfida të planifikuara në Seattle dhe në shtetin e Kalifornisë.

Pjesëmarrja e Iranit në këtë Botëror pritet të zhvillohet në një klimë të tensionuar gjeopolitike, duke shtuar vëmendjen jo vetëm sportive, por edhe politike rreth turneut.