Shtyu arbitrin, Cristiano Ronaldo rrezikon deri në 12 ndeshje pezullim

Cristiano Ronaldo mund të pezullohet për 12 ndeshje për shtyrje të gjyqtarit të ndeshjes kundër Barcelonës në Camp Nou, e vlefshme për finalen e parë të Superkupës së Spanjës. Gjyqtari Ricardo de Burgos Bengoetxea e ka përfshirë incidentin në raportin e tij dhe tani gjithçka do të varet nga Federata Spanjolle.

Ronaldo u ndëshkua me karton të verdhë pasi festoi golin duke hequr këmishën, ndërsa katër minuta më pas mori kartonin e dytë, për simulim në zonë. Kartoni i kuq bëri që ta humbiste qetësinë dhe shtyu arbitrin.

Bengoetxea ka shkrurar në raport se “pasi iu tregua kartoni i kuq, lojtari më shtyu lehtë në shenjë mosaprovimi”.

Shtyrja mund të sjellë pezullimin deri në 12 ndeshje, sipas Nenit 96 të Rregullore, që parashikon si dënim minimal katër ndeshje.