Skënderbeu zbulon 3 talente

Teksa kemi hyrë në një fazë të nxehtë të merkatos së verës, klubi i Skënderbeut ka bërë me dije që me skuadrën e parë të drejtuar nga trajneri Ilir Daja do të bashkohen tri futbollistë të ekipit U-19.

Përmes një postimi në faqen zyrtare në facebook, klubi korçar njofton:

3 lojtarë të ekipit U-19 janë grumbulluar nga trajneri Daja me ekipin e parë dhe do të jenë pjesë e ekipit në fazë përgatitore. Uerdi Mara, Jorgo Pëllumbi dhe Anteo Osmanllari kanë marrë ftesë nga drejtuesit e klubit dhe do të udhëtojnë me ekipin drejt Sllovenisë”.