Shqipëria e nis me gol, por mbetet me 10 lojtarë në Finlandë

Shqipëria e ka nisur me një gol të shpejtë përballjen ndaj Finlandës, por avantazhi kuqezi zgjati vetëm pak minuta, pasi situata u përmbys pas daljes me karton të kuq të Etrit Berishës.

Në minutën e 5-të, Rey Manaj ndezi festën kuqezi, duke shënuar me kokë pas një krosimi të Kristjan Asllanit nga goditja e këndit. Një nisje perfekte për Kombëtaren, që kaloi në avantazh 0-1.

Shqipëria vijoi të ishte e rrezikshme edhe pas golit. Në minutën e 13-të, Manaj pati mundësinë për të dyfishuar rezultatin, por gjuajtja e tij u ndal në momentin e fundit. Dy minuta më vonë provoi edhe Arbër Hoxha, ndërsa në minutën e 19-të Ernest Muçi ushtroi presion të fortë në zonën finlandeze.

Por në minutën e 22-të erdhi goditja e madhe për kuqezinjtë. Etrit Berisha humbi topin dhe ndali në mënyrë të parregullt një kundërshtar, duke u ndëshkuar me karton të kuq.

Trajneri kuqezi u detyrua të bëjë menjëherë zëvendësimin, me Alen Sherrin që hyri në portë në vend të Berishës, ndërsa u largua nga fusha Arbër Hoxha.

Finlanda përfitoi nga superioriteti numerik dhe vetëm dy minuta më vonë gjeti edhe golin e barazimit. Në minutën e 26-të, Walta realizoi nga goditja e dënimit, duke vendosur shifrat në 1-1.

🚨 Leo Walta from a free kick with a right footed shot to the bottom right corner.

🇫🇮 Finland 1-1 Albania 🇦🇱pic.twitter.com/ofbp11AQW5

— Goals Xtra (@GoalsXtra) October 3, 2026