Superiorja, mbyllen pjesët e para, mbijetesa luhet në Shkodër

Kanë përfunduar pjesët e para të ndeshjeve të javës së fundit në Kategorinë Superiore, ku tashmë është mësuar kampioni, por një “luftë” e fortë është duke u bërë për mbijetesën.

Me mbylljen e pjesës së parë, Laçi kryeson 1-0 ndaj Teutës. Me po të njëjtin rezultat Flamurtari udhëheq ndaj Korabit. Ndërkohë në Shkodër, ndeshja është mbërthyer në barazim 0-0.

Edhe pse është duke u luajtur një takim spektakolar dhe në prani të një numri rekord tifozësh për kampionatin tonë, me rezultatet e pjesëve të para është Tirana që bie një kategorinë më poshtë.

Megjithatë mbeten edhe 45 minuta për t’u luajtur, ku mund të ndodh gjithçka.