Tahiri si Rama, “vjedh” simbolin e demokratëve

Dy gishtat nuk janë vetëm simbol i Partisë Demokratike por edhe i paqes dhe fitores, e në vende të ndryshme domethënie të ndryshme.

Por dy gishtat kësaj radhe kanë marrë një rëndësi të veçantë edhe për Partinë Socialiste, e cila është renditur e dyta në fletën e votimit për zgjedhjet e 25 qershorit. Pas kryeministrit Edi Rama, edhe Saimir Tahiri i ngre gishtat lart.

Nëse ka dashur të tregojë numri dy, kreu i PS-së për Tiranën Saimir Tahiri apo t’i ‘vjedhë’ simbolin demokratëve, nuk dihet, por përveçse ka bërë një selfie me dy gishtat lartë, ai i ka ftuar dhe të rinjtë që e rrethojnë ndërsa sheh ndeshjen Real Madrid-Juventus ta bëjnë këtë gjest.