Tirana më e sigurtë, ndaj Vllaznisë i rikthehen Bakaj e Karabeci

Tirana në  ndeshjen e  javës së  30- të në  Kategorinë  Superiore ndaj  Vllazninë, do të ketë në  dispozicion dy futbollistë që munguan javët e fundit, Erando Karabeci dhe Elis Bakaj. 24 herë  kampionët konfirmuan  se të  dy futbollistët janë  të  gatshëm për të  luajtur kundër kuqebluve. Rikthimi i Bakaj  vjen pikërisht atëherë  kur  Tiranës i duhet më tepër. Skuadra kryeqytetase la një  shije të  hidhur barazimi pa gola me Laçin në  mesjavë  në  gjysmëfinalen e Kupës së  Shqipërisë. Në këtë ndeshje mungoi edhe Karabeci, i s’kualifikuar për shkak  kartonësh. Bakaj u dëmtua më  4 mars  në  ndeshjen me Skënderbeun dhe që  atëherë  në  6 ndeshje, Tirana ka koleksionuar 3 fitore, 2 barazime pa gola ndaj Teutës e Laçit si dhe humbjen në  derbin me Partizanin. Ndaj Vllaznisë mbetet ende në  dyshim rikthimi i Mario Morinës që  ende nuk ka lënë  pas dëmtimin që  pësoi në  takimin e kampionatit me Apoloninë.