Tirana me polemika ndaj Kastriotit, Laçi mund Apoloninë (VIDEO)

Laçi triumfoi minimalisht 0-1 në transfertën fierake ndaj Apolonisë dhe regjistron fitoren e dytë radhazi në harkun e pak ditëve, duke u rikthyer plotësisht në garën për titullin kampion, kur kanë mbetur edhe 4 javë nga fundi i sezonit.

Kurbinasit vuajtën jo pak në “Loni Papuçiu”, teksa në pjesën e parë në një moment patën nevojë edhe për ndihmën e traversë.Nnë minutën e 48’ ishte mbrojtësi anësor Emiljano Musta që shënoi golin me vlerë 3-pikëshe në portën e Harizit.

Me këtë fitore Laçi ngjitet në vendin e tretë me 56 pikë, ndërsa Apolonia ka shpresa mbijetese vetëm matematikisht.

Rikthehet te fitorja edhe Tirana, që mposhti me rezultatin minimal 1-0 Kastriotin në “Selman Stërmasi” dhe u ngjit në vendin e 5-të. Një gol i Erjon Hoxhallarit me kokë në minutën e 78-të vendosi fatin e takimit, ndërsa në kryeqytet nuk mungoi as tensioni.

Mbrojtësi bardheblu shënoi pas një rrëzimi të Okebungëu-t në fushë dhe krutanët u ankuan për mungesë të fair play-t, duke bërë që të fushë të krijohej një situatë kaotike. Drejtuesit e Kastriotit bënë thirrje që skuadra të braktisë ndeshjen, por pas disa minutash tension, futbollistët u rikthyer në fushë dhe vijuan lojën deri në vërshëllimën finale.

Me këtë humbje, Kastrioti komplikon edhe më shumë mbijetesën, pasi do t’i duhet të duelojë me Skënderbeun e Bylisin deri në javën e fundit të sezonit.