Kristjan Asllani pritet të jetë protagonist në një nga ndeshjet më të rëndësishme të sezonit për Interin. Sipas raportimeve nga mediat italiane, mesfushori i Kombëtares shqiptare do të jetë titullar në përballjen e kthimit kundër Milanit, në gjysmëfinalen e Kupës së Italisë.
Trajneri Simone Inzaghi ka vendosur t’i besojë 23-vjeçarit kuqezi në një sfidë që do të përcaktojë finalistin e kompeticionit. Ky vendim vjen si surprizë, pasi Asllani nuk shihej si zgjedhja e parë për këtë ndeshje, por duket se stafi teknik ka ndryshuar strategji në prag të përballjes së madhe.
Për Asllanin, kjo është një mundësi e artë për të treguar vlerat e tij në një ndeshje me shumë presion dhe për të fituar më shumë minuta në këtë fund sezoni, ku Interi është ende në garë në tre fronte – Serie A, Kupa e Italisë dhe Liga e Kampionëve.
Performanca e tij ndaj Milanit mund të jetë një pikë kthese në karrierën e tij te zikaltrit dhe një sinjal i qartë për të ardhmen.