Toni: Ky është sulmuesi perfekt për Juventusin, garanton gola!

Luca Toni tashmë e ka lënë futbollin, por në kohën kur ishte në fushë ishte një nuhatës i frikshëm i golit. Tashmë ish-bomberi nuk ngurron që të japë mendimin e tij për sulmuesin perfekt që mund të ketë nevojë Juventusi.

“Mendoj se është Suarez. Unë jam gjithmonë për bomberin e pastër, qendërsulmuesi duhet të bëjë shumë gola dhe mes gjithë emrave të përmendur për një kalim tek Juventus, më duket se Suarez është golashënuesi më i mirë.

Qarkullojnë emra lojtarësh të nivelit të parë dhe, gjithsesi, do të merrej një sulmues i madh. Të luash me Dzeko, Suarez ose Morata ndryshon shumë në nivel taktik, por në fund mund të ndryshojë më pak nga sa mund të mendohet. E njoh Pirlo-n dhe besoj se edhe si trajner do të kërkojë të ofrojë  futbollin që adhuronte si futbollist. Kështu që lojtarët e mirë do të luajnë gjithmonë”, deklaroi Luca Toni.