Tottenham ndalet sërish, mbetet në zonën e rënies nga Premier League

Brighton mori një barazim dramatik 2-2 në transfertë ndaj Tottenham Hotspur, në ndeshjen e javës së 33-të të Premier League, e zhvilluar në Tottenham Hotspur Stadium.

Sfida ishte e mbushur me emocione dhe kthesa rezultati. Vendasit arritën të barazojnë fillimisht në minutën e 39-të me golin e Pedro Porro, ndërsa vetëm pak minuta më vonë, në shtesën e pjesës së parë (45+3), Kaoru Mitoma riktheu baraspeshën për Brighton.

Në pjesën e dytë, Tottenham kaloi sërish në avantazh në minutën e 77-të falë realizimit të Xavi Simons, duke iu afruar fitores në shtëpi. Megjithatë, në minutat shtesë të takimit (90+5), Georginio Rutter shënoi golin vendimtar që i dha një pikë të çmuar Brighton-it.

Pas këtij rezultati, Tottenham mbetet në zonën e rrezikut me 31 pikë në vendin e 18-të, ndërsa Brighton ngjitet në kuotën e 47 pikëve, duke u renditur në vendin e nëntë të klasifikimit.