Totti nuk tërhiqet: Do vazhdoj të luaj futboll

Francesko Totti të dielën i dha lamtumirën Romës, por gjatë një darke mes miqsh ai deklaroi se nuk do të tërhiqet përfundimisht nga futbolli.

“Do të vazhdoj të luaj, por nuk e di se ku. Në fjalimin tim të lamtumirës mungonte një detaj, do të vazhdoj të luaj futboll, por nuk e di ende destinacionin”, – ishin fjalët e mesfushorit roman.

Nga ana tjetër, drejtori i ri sportiv i Romës, Monchi, e fton Tottin të punojë në krah tij. “Për Tottin ka një propozim nga drejtuesit klubit, por edhe nga unë personalisht që të bashkëpunojmë krah njëri-tjetrit, por ky është një propozim që ka nevojë për kohë përpara se të japë një përgjigje. Ne jemi në pritje të një konfirmimi nga ana e Tottit”, – tha Monchi.