Trajneri i Kosovës e pranon: Nuk kishte ftesë për Etnik Brrutin

Kosova pret fitore ndaj Islandës të enjten, kështu ka deklaruar trajneri i përfaqësueses së Kosovës në futboll, Franco Foda.

“Tani duhet të gjejmë zgjidhje të reja. E dimë se Islanda luan lojë intensive, është shumë agresive, ka lojtarë të mirë. Por ne do të mundohemi që idetë tona t’i paraqesim në fushë, të paraqitemi si ndaj Rumanisë dhe të fitojmë në shtëpi. Pres të zbatohen të gjitha kërkesat tona në fushë dhe të tregojmë intensitet të shtuar në fushë”, ka thënë Foda.

I pyetur për lojtarët e rinj, përzgjedhësi i përfaqësueses tha se kanë perspektivë në skuadrën e Kosovës, raporton KosovaPress.

Ai ka folur edhe për Meriton Korenicën, i cili po kalon formë të mirë në kampionatin rumun. Ka thënë se Korenica është në planet e tij dhe nëse vazhdon me formë të lart, do të ftohet në të ardhmen. Franco Foda, ka deklaruar gjithashtu se nuk është dërguar ftesë për mesfushorin e Malishevës, Etnik Brruti, për dy ndeshet ndaj Islandës.