U dashuruan që në bankat e shkollës …. historia prekëse e dashurisë së Jota dhe Rute që u ndërpre tragjikisht

Një lajm tronditës ka prekur botën e futbollit dhe më gjerë: sulmuesi portugez Diogo Jota ka ndërruar jetë në një aksident tragjik automobilistik, vetëm 12 ditë pas dasmës me partneren e tij prej vitesh, Rute Cardoso.

Jota, 28 vjeç, dhe vëllai i tij, André Silva, ndodheshin në një Lamborghini në provincën e Zamorës, kur automjeti doli nga rruga dhe shpërtheu në flakë. Të dy humbën jetën në vendngjarje, duke lënë pas dhimbje të thellë dhe trishtim të pafund.

Vetëm më 22 qershor 2025, Diogo dhe Rute kurorëzuan dashurinë e tyre në një ceremoni të paharrueshme në Porto, qyteti i tyre i lindjes. Një histori dashurie që kishte nisur në bankat e shkollës së mesme, u shndërrua në një ëndërr të përbashkët që përfshinte mbështetje, familje dhe ëndrra të përbashkëta.

Çifti kishte tre fëmijë të vegjël: Dinis, Duarte dhe një vajzë të porsalindur në nëntor 2024. Rute shpesh ndante me ndjekësit në rrjetet sociale momentet e tyre të lumtura, duke përshkruar një jetë familjare të mbushur me dashuri.

Fatkeqësisht, ky fillim i ri mori një kthesë tragjike. Sot, Rute mbetet vetëm me kujtimet e një dashurie të sinqertë dhe të rrallë – një dashuri që, ndonëse u ndërpre dhimbshëm, do të mbetet përgjithmonë në kujtesën e atyre që i njohën.