Van Dijk flet për “Topin e Artë”: Nëse e fiton Messi, nuk ka humbës

Sonte në orën 20:30 do të jepet çmimi i madh për “Topin e Artë”, ku momentalisht janë në garë 30 futbollistë.

Por dy futbollistët favoritë janë mbrojtësi i Liverpoolit, Virgil Van Dijk dhe Lionel Messi. Për qendërmbrojtësin holandez është hera e parë që ndodhet në garë për ta fituar “Topin e Artë”. 28-vjeçari ka thënë se nuk ka humbës në këtë mbrëmje nëse e fiton Messi këtë çmim të madh individual.

“Nëse Messi e fiton këtë trofe atëherë nuk ka humbës në këtë mbrëmje. Jam shumë krenar që jam në garë, të jesh aty për mënyrën si jam paraqitur me ekipin vitin e kaluar dhe me vendin tim është diçka e bukur. Është thjesht diçka për t’u krenuar sepse pak lojtarë arrijnë në këtë ceremoni. Po e përsëris se nuk ka humbës në këtë mbrëmje, por të shohim se çfarë do të ndodh”, përfundoi qendërmbrojtësi holandez.