Video e Shkëndijës për Milanin thyen rrjetin, italianët kthejnë përgjigje
Postimi i një video nga ana e Shkëndijës së Tetovës në rrjetin social “facebook” pak orë më parë bëri xhiron në internet për shkak të gjetjes brilante të klubit tetovar për të “ngacmuar” kundërshtarët e tyre në fazën “play-off” të “Europa League”, Milanin.
Në video nëpërmjet satirës dhe këngës shqiptare në sfond bëhej krahasimi midis dy klubeve dhe dy qyteteve.
Gjetja gjeniale e Shkëndijës bëri bujë në internet duke u shpërndarë dhe komentuar disa disa mijëraherë. Aq sa mbërriti edhe në veshin e kundërshtarëve. Milani ka reaguar nëpërmjet faqes së saj zyrtare në “facebook” në postimin e Shkëndijës duke shkruar:
“Përshëndetje KF Shkëndija. Treguat një shpirt të madh të garës së ndershme. Do të jetë një kënaqësi t’ju presin të enjten në San Siro. Shihemi miq”, shkruan komenti i Milanit.
KOHA JONË SONDAZH
