VIDEO / Menaxheri i Kukësit sjell mesfushorin e Nigerisë te kampionët

Mesa duket Kukësi është duke planifikuar disa goditje mjaft të mëdha në merkaton e verës. Kësaj here flitet për një mesfushor nigerian, John Ogu i cili aktualisht është pjesë e ekipit të Hapoel Ber Sheva në Superligën e Izraelit.

Deri tani asgjë nuk është konkrete për transferimin e tij në Superligë, por fakti që menaxheri i Kukësit, Naim Halili ka shpërndarë një video të tij në “Facebook” e tij personal mund edhe të quhet si një shenjë e parë për kalimin e tij në Shqipëri.

Mesfushori 29-vjeçar ka një karrierë mjaft të pasur, ndërsa më parë ka qenë edhe pjesë e ekipeve kombëtare të Nigerisë duke bërë paraqitje mjaft të mira.