Legjenda suedeze e futbollit, Zlatan Ibrahimović, ka bërë një zgjedhje interesante sa i përket futbollistëve më të mirë që aktivizohen aktualisht në La Liga.
Gjatë një interviste për ESPN FC, Ibrahimović mori pjesë në një test të veçantë, ku duhej të rendiste pesë futbollistë në pozicione nga i pari te i pesti. Emrat iu prezantuan njëri pas tjetrit dhe suedezi duhej të merrte vendimin menjëherë, pa e ditur se cilët lojtarë do të shfaqeshin më vonë.
Në krye të renditjes, Zlatan vendosi yllin e Barcelonës, Lamine Yamal, duke e preferuar atë përpara Kylian Mbappé.
Sulmuesi francez i Real Madridit u pozicionua në vendin e dytë, ndërsa podiumi u kompletua nga bashkëlojtari i tij, Vinicius Junior, i cili u rendit i treti.
Në vendin e katërt Ibrahimović vendosi një tjetër futbollist të Barcelonës, Raphinha, ndërsa lista e tij u mbyll me mesfushorin e Real Madridit, Jude Bellingham.
Renditja e Zlatan Ibrahimović:
Lamine Yamal – Barcelona
Kylian Mbappé – Real Madrid
Vinicius Junior – Real Madrid
Raphinha – Barcelona
Jude Bellingham – Real Madrid