Zvicra zbulon listën për “Euro 2020”, pjesë e saj janë 4 shqiptarë

Zvicra ka publikuar listën e 26 futbollistëve që do të jenë nën urdhrat e trajnerit Vladimir Petkovic në EURO 2020, që nis prej 11 qershorit me duelin Itali-Turqi në Romë. Në listën e kombëtares helvete bien në sy emrat e katër futbollistëve me origjinë shqiptare. Xherdan Shaqiri dhe Granit Xhaka vazhdojnë të jenë pjesë e rëndësishme e Zvicrës.

Pjesë e saj është edhe Admir Mehmedi i Wolfsburg, ndërsa risia është Andi Zeqiri i Brighon në Premier League. Sulmuesi u tentua edhe nga Kosova, por tashmë është ftuar nga kombëtarja e madhe e Zvicrës, pasi ka shkëlqyer më parë me 21-vjeçarët. Helvetët në EURO 2020 janë në grupin A, së bashku me Italinë, Turqinë dhe Uellsin.