ZYRTARE/ Barcelona zyrtarizon goditjen e dytë me kosto zero në merkato

Eric Garcia është blerja e radhës së Barcelonës. Klubi katalanas zyrtarizoi këtë të martë marrëveshjen me qendërmbrojtësin spanjoll, i cili do të jetë i lidhur me “blaugranat” për pesë sezonet e ardhshme, deri në 2025/26 dhe do të ketë një klauzolë largimi 400 milionë euro.

Eric Garcia transferohet te Barcelona si lojtar i lirë pasi i përfundoi kontrata me Manchester City-n. Pasi të përfundojë të gjithë procedurat e blerjes dhe prezantimit te Barcelona, Eric Garcia do të udhëtojë nesër drejt Madrid për t’iu bashkuar përfaqësueses spanjolle në kuadër të përgatitjeve për Kampionatin Europian.