Zyrtare, Kroacia publikon listën e lojtarëve kundër Kosovës

Kroacia ka publikuar listën e të ftuarve për ndeshjet kundër Kosovës dhe Turqisë.

Trajneri i kombëtares kroate, Ante Çaçic, ka publikuar listën e të grumbulluarve për ndeshjet e radhës të kualifikimeve për Botërorin 2018 kundër Kosovës dhe Turqisë.

Çaçic ka vendosur që në listën prej 23 lojtarësh të fusë edhe lojtarë të rinj.

Kësaj liste i është shtuar Mario Pasalic, i cili ka pasur sezone të mira në Monaco dhe Milano, e po ashtu start të mirë edhe në FC Spartak të Moskës. Listës i janë shtuar edhe kapitenët e Hajdukut dhe Osijekut, Borna Barishic dhe Zoran Nizhic, ndërsa nga Liga e Parë kroate është ftuar edhe Filip Bradaric nga klubi i Rijekës dhe Dominik Livakovic nga Dinamo.