ZYRTARE- Partizani bën goditjen e parë në merkato

Partizani arrin transfertën e parë në merkato. Mbrojtësi Blerim Kotobelli ka firmosur një kontratë 1-vjeçare me të drejtë rinovimi edhe për një sezon tjetër.

Lajmi është zyrtarizuar nga Partizani ndërsa 24-vjeçari është prezantuar nga drejtues të 15-herë kampionëve të vendit.

Transferimi i mbrojtësit të krahut të majtë është dhe goditja e parë në merkato e verës, në epokën e Luciano Moxhit, ku pritet të pasohet edhe me emra të tjerë të rëndësishëm.

Prej vitit 2014 Blerim Kotobelli ishte pjesë e Teutës ku ka zhvilluar 96 ndeshje dhe ka realizuar 3 gola.